قصيدة القيت بتاريخ 14-11-2010 بمناسبة القداس الاحتفالي
للعائلة وتدشين الصالون الجديد ودرج المغارة
من قبل دبور عين داره الشاعر جريس هيدموس.
باسم المحبة الطاهرة ولطف اليقين بحيي جميع ال بلكنيسة حاضرين
بحيي البحبو ام الله وطيبين طيب الخميرة الطيبة خبز العجين
بحيي خواجه اديب وست منى المتبرعين بصالة الكنيسة ودراج الل عالمغارة طالعين
بحيي الاهالي المخلصين وخيرين وعكنيسة السيدة ال بخلدة قييمين
وكل المحبين وجدود الاقدمين و ال ماتوا وما زالوابالكنيسةعايشين
وهلق انا ما جيت اهل الدنيي دين ولا الكن من عين داره وابن مين
جايي برضى السيدة ال بخلدة استعين واخدم كنيستها بسنيني الباقيين
وانتو وانا الكنا وما زلنا صادقين ومع نفسنا ومع النفوس الصادقين
مهما الماسي تجن ويجوروا السنين ويتمردوا علينا الظروف القاسيين
بدنا نضل نجاهد متمسكين بلبنان الغالي علينا اجمعين
وبدنا نضل بشرع الله مامنين وعلكنيسة ال بخلدة محافظين
ويا اشرف الناس الغناية بالمحبة والحنين واطهر من العطر البزهر الياسمين
انشاالله اذا بايدكن كمشتوا التراب يقلب دهب بجاه رب العالمين
ويا مريم العدرا تشفعي فينا ومن كل مكروه حمينا
وكرمال لبنان وشعب لبنان هدي نزيف الدم ووقينا
ويا مريم العدرا الزمان ان خان فينا دخيلك لا تتركينا
نحن لك نحنا معك لو كان مشروبنا العلقم على الكينا
هيهات فينا يدخل الشيطان ودينك يا عدرا ينهمل دينا
نحنا جماعة من زمان و زمان عأرض لبنان الحلوي جينا
ورغم الحرب والفقر والحرمان ميلي ما مللنا عن مبادينا
نحنا مع الفادي الفدى الانسان وعالجلجي تعذب تا يهدينا
ولما اهتدينا مع اهل كنعان واهل المحبة مزارك بنينا
وصرت مزار العالم الديان وحبك زرع خير الامل فينا
وصرنا نحبك عن تقى وايمان وايمان حبة خردلي بالرب
تينقل جبالنا عشواطينا
